يوميات صيدلي في الأرياف
الحلقة السادسة
سوريا بتضرب بالنووي
صباح الخير عليكو كلكو ... واحد واحد و واحدة واحدة
كفر سندوس البهواية فيها مساجد كتير و فيها جامع واحد كبير بناه عضو مجلس الشعب اللي حياته كلها من بعد ما استوفى شرط السن لغاية ما مات عاشها عضو في مجلس الشعب
و محدش يقوللي دة كان بالكوسة و لا بالتزوير .. الراجل واضح انه كان مجتهد و شغال في بلده و خادمهم في حاجات كتير أوي و مش علشان يعني كان حزب وطني و لا كدة ولا كدة
يا رب سامحني على الكذب اللي انا بكذبه دة
الصراحة الجامع دة حلو جدا من برة و من جوة .. و هو مش بعيد عن الصيدلية .. علشان كدة انا دايما بصلي فيه
و النهاردة في صلاة العصر .. قابلت الحاج خليل
- ازيك يا حاج خليل ؟
- الحمد لله يا ضاكتور .. نحمده
- قوللي يا عم خليل .. الدكتور حفناوي عامل ايه دلوقتي ؟
- و الله الحمد لله يا ضاكتور ... عمل عملية و ركب في رجله شريحة و مسمارين و الحكما بيقولو انو لازم يقعد في المشتشفى اد كدة ييجي شهر و لا اتنين
- لا ,, الف سلامة عليه يا حاج خليل , دة انا ان شاء الله لازم اروح ازوره , هعدي عليك في يوم كدة و نروح له سوا
- ان شاء الله يا ضاكتور .. في انتظارك ان شاء الله
انا فعلا ناوي ازور الدكتور حفناوي في المستشفى .. زيارة المريض واجبة برضو
خرجت من صلاة العصر و لقيت حاجة جديدة عليا . . اول مرة في حياتي اشوفها في حياتي
الشارع على مد البصر مليان عربيات نص نقل حوالي ما يقلش عن خمستاشر ستاشر عربية كدة , و كام عربية نقل جامبو و كمان عربيات كارو بس مش خشب .. لأ .. حديد من اللي بتتجر بالحيوانات و موتوسيكلات كتير اوي من اللي هي الصيني دي
دة بالنسبة للآلات و الماكينات
اما بقا بالنسبة بقا للمنقولات ... دة طلع عفش عروسة يا جماعة .. او يعني ( العزال ) زي ما هو مشهور في الأرياف
اما بقا بالنسبة للعنصر البشري .. تقريبا كل اهل القرية كاملين مكتملين موجودين في الموكب دة
في الغالب كمان مفيش حد في بيتهم دلوقتي ... كله في نقل العفش
يعني بمعنى تاني كمية بشر فوق الخيال
ادام الموكب دة كله فيه عربية نقل كبيرة جامبو شايلة الدي جي
و ما ادراك بقا ما ال دي جي ..
يعني المهرجانات ..
يعني اوكا و اورتيجا ..
يعني المدفعجية ..
يعني صوت يجيب التايهين
و فوق الدي جي دة راكب شوية شباب في سن المراهقة او بمعني اصح في سن الاستعباط .. الشباب دول راكبين فوق السماعات و فوق العربية و فوق الكابينة .. نفس المنظر اللي ممكن تشوفه في المواصلات بتاعة الهند أو بنجلاديش . أو منظر الناس و هي في مراكب الهجرة غير الشرعية اللي رايحة على ايطاليا
و تقريبا برضو السماعات بتاعة الدي جي دة و الدي جي نفسه مطلعين صهد و حر جامد جدا عليهم .. عشان كدة كلهم قالعين قمصانهم و تي شيرتاتهم و عاملين ستايل عبدة موته كدة .. الا واحد بس دة قالع القميص و البنطلون , غالبا دة دماغة هربانة منه
كمية جل فوق شعر الشباب دول تكفي دهان شقة كاملة أوضتين و صالة بالمطبخ بالحمام
و ناس كتير ماشيين جنب العربيات اللي هي اصلا ماشية بالراحة جدا .. الناس دول هما كبرات البلد و اهل العريس و اهل العروسة
و كمان ستات كتير شايلين على دماغهم الحواية ( اللي هي اللفة القماش ) و فوقها شايلة اللي ربنا قدرها علىه اذا كان بقا أكل أو طيور أو اي حاجة و السلام .. المهم انهم يجاملو
جو ظريف برضو
وقفت تقريبا تلت ساعة لغاية لما الموكب كله عدى من ادامي و انا واقف ادام الجامع
خلص الموكب الحمد لله . .
استنيت دقيقتين كدة لغاية بس ما العاصفة الترابية اللي كانت ماشية وراهم ما هديت . و رحت على الصيدلية
- بقوللك يا سليمان . اجهز كدة و رانا شوية شغل حلوين
- ماشي يا دكتور
- بص يا سليمان كدة على القطرات و شوف اللي عندنا منها اقل من 3 علب و اكتب اساميهم وشوف كدة معاجين السنان و الحلاقة فيه حاجة ناقصة و لا كله تمام
- ماشي يا دكتور
- مسا الخير
مسا الخير دي جاية من ناحية الباب .. صوت نسائي زي الكتاب ما بيقول ... انا بصيت على باب الصيدلية .. لقيت لمبة نيون جوة عباية سمرة واقفة أدام الكاونتر جه في بالي ساعتها الكذب اللي بتكذبه الحكومة علينا بخصوص ازمة الكهربا
لا يا جماعة مصر مفيهاش ازمة كهربا و لا حاجة ... ما الدنيا منورة اهي .. هي اصلا محطة نووية .. لا دي صاروخ نووي بشري
- مساء النور يا افندم ... اؤمريني
- راح تفهم عليي لو حكيت بالسوري و لا حاول احكي مصري ؟
الله ؟ كمان سورية ؟ .. الله اكبر ... دة انا بشوفهم في التليفزيون بس
- لا يا افندم اتكلمي سوري زي ما انتي عاوزة انا شفت حريم السلطان كله و الله و عارف لهجتكم
- هههههه اوكي
اهي اوكي دي لوحدها تحسسك انك واقف ادام هيلدا في برنامج ستار اكاديمي
- كنت بالعرس و كان في كتير ازعاج و صابني صداع قوي كتير .. بدي دوي دخيلك
- يا سلام .. بس كدة ..
رحت جبتلها علبة كيتوفان و اديتهولها و قلت لها
- اجيب لك شوية ميه علشان تاخدي الدوا هنا ؟
- إي و الله يا ريت
- اتفضلي يا مدام الميه
- يسلمو ها الديات .. انت دكتور صيدلي ؟
- اة والمصحف .. دكتور صيدلي
- اها .. حلو كتير .. بتعرف دكتور ؟ .. انا طول نهاري بشتغل بالماي فعم تعمل لي مشاكل بيدي مثل الاكزيما .. شو في علاج لها الشي ؟
- وريني كدة
في نفس اللحظة الي الست دي بتحاول تخليني اشوف الاكزيما في ايديها .. تدخل عهد الصيدلية
عارفين مين عهد ؟
عهد دي خطيبتي
لو كنتو مكاني و بصيتو في عيون عهد اللي وقفت متسمرة على باب الصيدلية و شوفتو كمان حاجبها الشمال اللي مرفوع شويتين و ايديها اللي ربعت ادامها كنتوا عرفتوا ليه انا معرفتش ابلع ريقي
فاكرين في اول الحلقة دي لما قلتلكو اني هروح للدكتور حفناوي بصفتي زائر
تقريبا كدة و العلم عند الله اني هروح له بصفتي مقيم
استر يارب
اشوفكو في الحلقة الجاية ان شاء الله . .بس لو عهد سابتني اعيش
دمتم بخير
سلامو عليكو
كفر سندوس البهواية فيها مساجد كتير و فيها جامع واحد كبير بناه عضو مجلس الشعب اللي حياته كلها من بعد ما استوفى شرط السن لغاية ما مات عاشها عضو في مجلس الشعب
و محدش يقوللي دة كان بالكوسة و لا بالتزوير .. الراجل واضح انه كان مجتهد و شغال في بلده و خادمهم في حاجات كتير أوي و مش علشان يعني كان حزب وطني و لا كدة ولا كدة
يا رب سامحني على الكذب اللي انا بكذبه دة
الصراحة الجامع دة حلو جدا من برة و من جوة .. و هو مش بعيد عن الصيدلية .. علشان كدة انا دايما بصلي فيه
و النهاردة في صلاة العصر .. قابلت الحاج خليل
- ازيك يا حاج خليل ؟
- الحمد لله يا ضاكتور .. نحمده
- قوللي يا عم خليل .. الدكتور حفناوي عامل ايه دلوقتي ؟
- و الله الحمد لله يا ضاكتور ... عمل عملية و ركب في رجله شريحة و مسمارين و الحكما بيقولو انو لازم يقعد في المشتشفى اد كدة ييجي شهر و لا اتنين
- لا ,, الف سلامة عليه يا حاج خليل , دة انا ان شاء الله لازم اروح ازوره , هعدي عليك في يوم كدة و نروح له سوا
- ان شاء الله يا ضاكتور .. في انتظارك ان شاء الله
انا فعلا ناوي ازور الدكتور حفناوي في المستشفى .. زيارة المريض واجبة برضو
خرجت من صلاة العصر و لقيت حاجة جديدة عليا . . اول مرة في حياتي اشوفها في حياتي
الشارع على مد البصر مليان عربيات نص نقل حوالي ما يقلش عن خمستاشر ستاشر عربية كدة , و كام عربية نقل جامبو و كمان عربيات كارو بس مش خشب .. لأ .. حديد من اللي بتتجر بالحيوانات و موتوسيكلات كتير اوي من اللي هي الصيني دي
دة بالنسبة للآلات و الماكينات
اما بقا بالنسبة بقا للمنقولات ... دة طلع عفش عروسة يا جماعة .. او يعني ( العزال ) زي ما هو مشهور في الأرياف
اما بقا بالنسبة للعنصر البشري .. تقريبا كل اهل القرية كاملين مكتملين موجودين في الموكب دة
في الغالب كمان مفيش حد في بيتهم دلوقتي ... كله في نقل العفش
يعني بمعنى تاني كمية بشر فوق الخيال
ادام الموكب دة كله فيه عربية نقل كبيرة جامبو شايلة الدي جي
و ما ادراك بقا ما ال دي جي ..
يعني المهرجانات ..
يعني اوكا و اورتيجا ..
يعني المدفعجية ..
يعني صوت يجيب التايهين
و فوق الدي جي دة راكب شوية شباب في سن المراهقة او بمعني اصح في سن الاستعباط .. الشباب دول راكبين فوق السماعات و فوق العربية و فوق الكابينة .. نفس المنظر اللي ممكن تشوفه في المواصلات بتاعة الهند أو بنجلاديش . أو منظر الناس و هي في مراكب الهجرة غير الشرعية اللي رايحة على ايطاليا
و تقريبا برضو السماعات بتاعة الدي جي دة و الدي جي نفسه مطلعين صهد و حر جامد جدا عليهم .. عشان كدة كلهم قالعين قمصانهم و تي شيرتاتهم و عاملين ستايل عبدة موته كدة .. الا واحد بس دة قالع القميص و البنطلون , غالبا دة دماغة هربانة منه
كمية جل فوق شعر الشباب دول تكفي دهان شقة كاملة أوضتين و صالة بالمطبخ بالحمام
و ناس كتير ماشيين جنب العربيات اللي هي اصلا ماشية بالراحة جدا .. الناس دول هما كبرات البلد و اهل العريس و اهل العروسة
و كمان ستات كتير شايلين على دماغهم الحواية ( اللي هي اللفة القماش ) و فوقها شايلة اللي ربنا قدرها علىه اذا كان بقا أكل أو طيور أو اي حاجة و السلام .. المهم انهم يجاملو
جو ظريف برضو
وقفت تقريبا تلت ساعة لغاية لما الموكب كله عدى من ادامي و انا واقف ادام الجامع
خلص الموكب الحمد لله . .
استنيت دقيقتين كدة لغاية بس ما العاصفة الترابية اللي كانت ماشية وراهم ما هديت . و رحت على الصيدلية
- بقوللك يا سليمان . اجهز كدة و رانا شوية شغل حلوين
- ماشي يا دكتور
- بص يا سليمان كدة على القطرات و شوف اللي عندنا منها اقل من 3 علب و اكتب اساميهم وشوف كدة معاجين السنان و الحلاقة فيه حاجة ناقصة و لا كله تمام
- ماشي يا دكتور
- مسا الخير
مسا الخير دي جاية من ناحية الباب .. صوت نسائي زي الكتاب ما بيقول ... انا بصيت على باب الصيدلية .. لقيت لمبة نيون جوة عباية سمرة واقفة أدام الكاونتر جه في بالي ساعتها الكذب اللي بتكذبه الحكومة علينا بخصوص ازمة الكهربا
لا يا جماعة مصر مفيهاش ازمة كهربا و لا حاجة ... ما الدنيا منورة اهي .. هي اصلا محطة نووية .. لا دي صاروخ نووي بشري
- مساء النور يا افندم ... اؤمريني
- راح تفهم عليي لو حكيت بالسوري و لا حاول احكي مصري ؟
الله ؟ كمان سورية ؟ .. الله اكبر ... دة انا بشوفهم في التليفزيون بس
- لا يا افندم اتكلمي سوري زي ما انتي عاوزة انا شفت حريم السلطان كله و الله و عارف لهجتكم
- هههههه اوكي
اهي اوكي دي لوحدها تحسسك انك واقف ادام هيلدا في برنامج ستار اكاديمي
- كنت بالعرس و كان في كتير ازعاج و صابني صداع قوي كتير .. بدي دوي دخيلك
- يا سلام .. بس كدة ..
رحت جبتلها علبة كيتوفان و اديتهولها و قلت لها
- اجيب لك شوية ميه علشان تاخدي الدوا هنا ؟
- إي و الله يا ريت
- اتفضلي يا مدام الميه
- يسلمو ها الديات .. انت دكتور صيدلي ؟
- اة والمصحف .. دكتور صيدلي
- اها .. حلو كتير .. بتعرف دكتور ؟ .. انا طول نهاري بشتغل بالماي فعم تعمل لي مشاكل بيدي مثل الاكزيما .. شو في علاج لها الشي ؟
- وريني كدة
في نفس اللحظة الي الست دي بتحاول تخليني اشوف الاكزيما في ايديها .. تدخل عهد الصيدلية
عارفين مين عهد ؟
عهد دي خطيبتي
لو كنتو مكاني و بصيتو في عيون عهد اللي وقفت متسمرة على باب الصيدلية و شوفتو كمان حاجبها الشمال اللي مرفوع شويتين و ايديها اللي ربعت ادامها كنتوا عرفتوا ليه انا معرفتش ابلع ريقي
فاكرين في اول الحلقة دي لما قلتلكو اني هروح للدكتور حفناوي بصفتي زائر
تقريبا كدة و العلم عند الله اني هروح له بصفتي مقيم
استر يارب
اشوفكو في الحلقة الجاية ان شاء الله . .بس لو عهد سابتني اعيش
دمتم بخير
سلامو عليكو
هاشم شكله هيروح فى داهيه اذا ماكنش راح اصﻻ..
ردحذف