" يوميات صيدلي في الأرياف "
الحلقة الأولى
مبروووك الصيدلية
أهلا بيكو
عاملين ايه ؟
شوفو
النهاردة الحلقة الأولى في مسلسل يومياتي اللي أنا بعيشها في صيدليتي في الأرياف و مش أي ارياف .. دي كفر سندوس البهوايه .. بلد العجايب
أنا قاعد دلوقتي في الصيدلية على الكرسي بتاعي المرييح ورا الكاونتر بتاع الصيدلية و الريحة جنان ما اقوللكوش
دوا و خشب و دهانات .. لا و الراجل الاستورجي كان بيجامل و مزودها حبتين و حاجة ايه .. تخللي جيوبك الانفية تشتاا اا اا آتشو .... الحمد لله
فجأة دخل أول شخص في تاريخ الصيدلية
راجل كبير في السن نوعا ما , في حدود النص التاني من الخمسينات كدة لابس جلابية بلدي لونها رمادي غامق و طاقية شبيكة بيضا و شنبه في وشه مدي شويتين كدة على شنب مجدي الجلاد و هو قصير شوية و مليان حبه كدة و معاه شاب طويل شوية و ابيضاني و رفيع و الناموس تقريبا كان بايت على وشه طول الليل امبارح ,, يمكن مكنش لاقي مكان يبات فيه غير هنا , لابس تي شيرت مقلم بالعرض مدخله جوة البنطلون الاسمر الاسباني و شعره لونه بني بس مسرحه زي تسريحة مصطفى قمر في كليباته القديمة
- سلامو عليكو .. ازيك يا ضاكتور ؟
- الحمد لله و الله يا حاج .اؤمر يا حاج .
- الأمر لله يا ضاكتور .. ما يؤمرش عليك ظالم أبدا .. مبرووك الصيدلية يا ضاكتور
- الله يبارك فيك يا حاج
- انت بقا من انهي بلد ؟؟
- انا يا حاج من البندر .. ليه هو في فيه حاجة ؟
- لا و الله يا ضاكتور دة مجرد سؤال بس .. محسوبك الحاج خليل ..
عاملين ايه ؟
شوفو
النهاردة الحلقة الأولى في مسلسل يومياتي اللي أنا بعيشها في صيدليتي في الأرياف و مش أي ارياف .. دي كفر سندوس البهوايه .. بلد العجايب
أنا قاعد دلوقتي في الصيدلية على الكرسي بتاعي المرييح ورا الكاونتر بتاع الصيدلية و الريحة جنان ما اقوللكوش
دوا و خشب و دهانات .. لا و الراجل الاستورجي كان بيجامل و مزودها حبتين و حاجة ايه .. تخللي جيوبك الانفية تشتاا اا اا آتشو .... الحمد لله
فجأة دخل أول شخص في تاريخ الصيدلية
راجل كبير في السن نوعا ما , في حدود النص التاني من الخمسينات كدة لابس جلابية بلدي لونها رمادي غامق و طاقية شبيكة بيضا و شنبه في وشه مدي شويتين كدة على شنب مجدي الجلاد و هو قصير شوية و مليان حبه كدة و معاه شاب طويل شوية و ابيضاني و رفيع و الناموس تقريبا كان بايت على وشه طول الليل امبارح ,, يمكن مكنش لاقي مكان يبات فيه غير هنا , لابس تي شيرت مقلم بالعرض مدخله جوة البنطلون الاسمر الاسباني و شعره لونه بني بس مسرحه زي تسريحة مصطفى قمر في كليباته القديمة
- سلامو عليكو .. ازيك يا ضاكتور ؟
- الحمد لله و الله يا حاج .اؤمر يا حاج .
- الأمر لله يا ضاكتور .. ما يؤمرش عليك ظالم أبدا .. مبرووك الصيدلية يا ضاكتور
- الله يبارك فيك يا حاج
- انت بقا من انهي بلد ؟؟
- انا يا حاج من البندر .. ليه هو في فيه حاجة ؟
- لا و الله يا ضاكتور دة مجرد سؤال بس .. محسوبك الحاج خليل ..
- اهلا حاج خليل .. أؤمر
- ههههههههه انا بس جاي اشوفك و اتعرف عليك و اسالك لو محتاج حاجة كدة ولا كدة .. انا هنا الكل في الكل في البلد دي .. يعني لو محتاج اي حاجة قوللي بس و انا اعملها لك .. حد مضايقك ولا حد مزعلك و لا اي حاجة , محتاج كيت او كيت قوللي بس
- اها .. إن شاء الله فرصة سعيدة يا حاج خليل و ان شاء الله لو عاوز كيت هبقا اقوللك
- بقوللك ايه يا ضاكتور .. الا انت اسمك ايه ؟
- هاشم يا حاج
- عاشت الاسامي يا سي هاشم .. انا قاصدك في حاجة كدة
- اؤمر
- الواد ابن اختي " سليمان " لسه مخلص الدابلون و عاوزك تشغله معاك في الصيدلية .. دة واد حرك و سلكاوي اووي و هيساعدك ..
- بس انا مش عاوز معايا حد يا حاج خليل
- اهييييييييه ليه كدة بس يا ضاكتور .. انت بتكسفني و لا ايه في اول طلب ؟
- يا سيدي الموضوع مالوش دعوة بالكسوف ولا حاجة انا فعلا مش عاوز حد معايا
- لا يا ضاكتور لا .. ما تخلينيش ازعل بقا .. دة الواد دة انت هتنبسط منه اوي دة حمارشغل .. ينظف لك الصيدلية و لا يمسح لك الرفوف ولا يجيبلك غدا .. شئ من دة على شئ من دة . قلت ايه ؟
- ما انا قلت يا حاج انت بس اللي مش مركز
- طب اسمع يا ضاكتور شغل الواد معاك وانا مش هخليك ملاحق على زباين الصيدلية , و لا اقوللك ما تشغلوش بس ما تزعلش بقا
- انت بتهددني و لا ايه يا حاج
- لا سمح الله يا ضاكتور .. تهديد ايه بس ؟
- امال ايه ؟
- اسمع بس يا ضاكتور .. ضاكتور الصحة اللي هو الضاكتور حفناوي يبقا ابن عمي شقيق .. لزم يعني و يتمنى يخدمني , انا هوصيه عليك و هخليه يبعتلك زباين و شوف انت بقا يا ضاكتور هاشم مش هتلاحق زي ما قولتلك
- حبيب قلبي يا سليمان ... خش يا بابا .. نقي اي حاجة و نظفها ,, حبيب قلبي
- ايوة كدة .. دة الواد هيعجبك خالص
- خلاص بقا يا حاج .. هو انا هتجوزه ؟ ماشي انا نفذت الاتفاق بتاعي وريني انت بقا هتعمل ايه
- اطمن يا ضاكتور ..استأجز انا بقا .. مبروووووك الصيدلية يا ضاكتور ... سلامو عليكو
- ههههههههه انا بس جاي اشوفك و اتعرف عليك و اسالك لو محتاج حاجة كدة ولا كدة .. انا هنا الكل في الكل في البلد دي .. يعني لو محتاج اي حاجة قوللي بس و انا اعملها لك .. حد مضايقك ولا حد مزعلك و لا اي حاجة , محتاج كيت او كيت قوللي بس
- اها .. إن شاء الله فرصة سعيدة يا حاج خليل و ان شاء الله لو عاوز كيت هبقا اقوللك
- بقوللك ايه يا ضاكتور .. الا انت اسمك ايه ؟
- هاشم يا حاج
- عاشت الاسامي يا سي هاشم .. انا قاصدك في حاجة كدة
- اؤمر
- الواد ابن اختي " سليمان " لسه مخلص الدابلون و عاوزك تشغله معاك في الصيدلية .. دة واد حرك و سلكاوي اووي و هيساعدك ..
- بس انا مش عاوز معايا حد يا حاج خليل
- اهييييييييه ليه كدة بس يا ضاكتور .. انت بتكسفني و لا ايه في اول طلب ؟
- يا سيدي الموضوع مالوش دعوة بالكسوف ولا حاجة انا فعلا مش عاوز حد معايا
- لا يا ضاكتور لا .. ما تخلينيش ازعل بقا .. دة الواد دة انت هتنبسط منه اوي دة حمارشغل .. ينظف لك الصيدلية و لا يمسح لك الرفوف ولا يجيبلك غدا .. شئ من دة على شئ من دة . قلت ايه ؟
- ما انا قلت يا حاج انت بس اللي مش مركز
- طب اسمع يا ضاكتور شغل الواد معاك وانا مش هخليك ملاحق على زباين الصيدلية , و لا اقوللك ما تشغلوش بس ما تزعلش بقا
- انت بتهددني و لا ايه يا حاج
- لا سمح الله يا ضاكتور .. تهديد ايه بس ؟
- امال ايه ؟
- اسمع بس يا ضاكتور .. ضاكتور الصحة اللي هو الضاكتور حفناوي يبقا ابن عمي شقيق .. لزم يعني و يتمنى يخدمني , انا هوصيه عليك و هخليه يبعتلك زباين و شوف انت بقا يا ضاكتور هاشم مش هتلاحق زي ما قولتلك
- حبيب قلبي يا سليمان ... خش يا بابا .. نقي اي حاجة و نظفها ,, حبيب قلبي
- ايوة كدة .. دة الواد هيعجبك خالص
- خلاص بقا يا حاج .. هو انا هتجوزه ؟ ماشي انا نفذت الاتفاق بتاعي وريني انت بقا هتعمل ايه
- اطمن يا ضاكتور ..استأجز انا بقا .. مبروووووك الصيدلية يا ضاكتور ... سلامو عليكو
ليست هناك تعليقات:
إرسال تعليق