يوميات صيدلي في الأرياف
الحلقة الثانية
حمادة تاني خاالص
صباح الخير عليكو
محدثكم من وراء كاونتر الصيدلية ..دكتور هاشم
النهاردة عاوز أقوللكو إن شغل الصيدلة في المدينة حمادة و الشغل في الأرياف حمادة تاني خااالص
أول روشتة دخلت عليا كانت إمبارح
مبدئيا كدة الروشتة مكتوب عليها اسم الدكتور ... و دة الطبيعي , بس اللي مش طبيعي ان يكون الدكتور متخصص في كل الحاجات اللي هو كاتبها دي
" باطنة و اطفال و حميات و جراحة و نسا "
كل دة يا دكتور .. ؟؟؟ ليه ؟ انا في حياتي ما شفت كدة
صرفت الروشتة طبعا بس الموضوع ما عداش كدة و ما ينفعش يعدي
قررت اني اروح ازور الراجل دة في عيادته و اتعرف عليه
اسمه على الروشتة دكتور زغلول
ماشي يا دكتور زغلول
انا جاي
- يا سليمان ... خللي بالك انا رايح مشوار نص ساعة و جاي
- اخللي بالي ازاي يا دكتور ؟
- ان شاء الله يا سليمان شطبي من النقابة هيكون على ايديك .. استرها يااا رب
المهم اخدت بعضي و رحت العيادة بتاعة الدكتور زغلول في بيته في الشارع اللي ورانا , البيت ده بيت قديم جدا و ريحة العفن بتاع الحيطان اللي اكلتها الرطوبة ضاربه في بير السلم مخلياه اييييه , انا لو اعرف كدة كنت جبت كمامة و لبستها و انا طالع العيادة بس انا الحمد لله انقذت نفسي من الاغماءة اللي كانت هتجيلي و قفلت مناخيري لغاية ما طلعت له فوق في العيادة
عيادة بسم الله ما شاء الله ترش فيها الملح ما ينزلش على الارض من كتر الحالات
واضح ان الدكتور زغلول متسيط اوي
حاولت اتحايل على الناس بس يسيبوني اخش جوة للتمرجي علشان اكلمه بس
الحمد لله عرفت اخش العيادة بالجنب كدة بس برضه مع شوية حركات بهلوانية لغاية ما وصلت لمساعد الدكتور
الراجل قاعد ورا المكتب بسم الله ما شاء الله حاجة كدة طول بعرض .. عامل زي ما يكون قاعد على ديسك مدرسة مش مكتب .. دة اكيد فتوة يا جماعة مش تمرجي و لابس قميص مقلم بالطول و بنطلون قماش و رجله جوة شبشب ابيض طبي و طالعة من تحت المكتب للشكل بس مش أكتر
- مساء الخير
- اهلا اهلا اهلا مساء النور يا باشا ,, الكشف عشين جنيه يا باشا , اهلا اهلا اهلا
الراجل اتكلم و انا حسيت ان البيت هيتهد علينا دلوقتي .. ما شاء الله واضح ان الراجل دة حكاية
- شوف يا عم اااا
- هلال يا باشا
- عاشت الاسامي يا عم هلال ,, انا دكتور هاشم صاحب الصيدلية اللي في الشارع اللي وراكو
- يا اهلا وسهلا يا اهلا و سهلا اتفضل يا باشا ,,شاي و لا ساقع؟
- لا يا عم هلال تسلم متشكر ,, انا بس قاصدك في حاجة كدة
- اؤمر يا غالي يا ابن الغاليين
- شوف ,, انا عاوز اخش اقابل الدكتور زغلول .. كلمتين كدة و مش هعطله
محدثكم من وراء كاونتر الصيدلية ..دكتور هاشم
النهاردة عاوز أقوللكو إن شغل الصيدلة في المدينة حمادة و الشغل في الأرياف حمادة تاني خااالص
أول روشتة دخلت عليا كانت إمبارح
مبدئيا كدة الروشتة مكتوب عليها اسم الدكتور ... و دة الطبيعي , بس اللي مش طبيعي ان يكون الدكتور متخصص في كل الحاجات اللي هو كاتبها دي
" باطنة و اطفال و حميات و جراحة و نسا "
كل دة يا دكتور .. ؟؟؟ ليه ؟ انا في حياتي ما شفت كدة
صرفت الروشتة طبعا بس الموضوع ما عداش كدة و ما ينفعش يعدي
قررت اني اروح ازور الراجل دة في عيادته و اتعرف عليه
اسمه على الروشتة دكتور زغلول
ماشي يا دكتور زغلول
انا جاي
- يا سليمان ... خللي بالك انا رايح مشوار نص ساعة و جاي
- اخللي بالي ازاي يا دكتور ؟
- ان شاء الله يا سليمان شطبي من النقابة هيكون على ايديك .. استرها يااا رب
المهم اخدت بعضي و رحت العيادة بتاعة الدكتور زغلول في بيته في الشارع اللي ورانا , البيت ده بيت قديم جدا و ريحة العفن بتاع الحيطان اللي اكلتها الرطوبة ضاربه في بير السلم مخلياه اييييه , انا لو اعرف كدة كنت جبت كمامة و لبستها و انا طالع العيادة بس انا الحمد لله انقذت نفسي من الاغماءة اللي كانت هتجيلي و قفلت مناخيري لغاية ما طلعت له فوق في العيادة
عيادة بسم الله ما شاء الله ترش فيها الملح ما ينزلش على الارض من كتر الحالات
واضح ان الدكتور زغلول متسيط اوي
حاولت اتحايل على الناس بس يسيبوني اخش جوة للتمرجي علشان اكلمه بس
الحمد لله عرفت اخش العيادة بالجنب كدة بس برضه مع شوية حركات بهلوانية لغاية ما وصلت لمساعد الدكتور
الراجل قاعد ورا المكتب بسم الله ما شاء الله حاجة كدة طول بعرض .. عامل زي ما يكون قاعد على ديسك مدرسة مش مكتب .. دة اكيد فتوة يا جماعة مش تمرجي و لابس قميص مقلم بالطول و بنطلون قماش و رجله جوة شبشب ابيض طبي و طالعة من تحت المكتب للشكل بس مش أكتر
- مساء الخير
- اهلا اهلا اهلا مساء النور يا باشا ,, الكشف عشين جنيه يا باشا , اهلا اهلا اهلا
الراجل اتكلم و انا حسيت ان البيت هيتهد علينا دلوقتي .. ما شاء الله واضح ان الراجل دة حكاية
- شوف يا عم اااا
- هلال يا باشا
- عاشت الاسامي يا عم هلال ,, انا دكتور هاشم صاحب الصيدلية اللي في الشارع اللي وراكو
- يا اهلا وسهلا يا اهلا و سهلا اتفضل يا باشا ,,شاي و لا ساقع؟
- لا يا عم هلال تسلم متشكر ,, انا بس قاصدك في حاجة كدة
- اؤمر يا غالي يا ابن الغاليين
- شوف ,, انا عاوز اخش اقابل الدكتور زغلول .. كلمتين كدة و مش هعطله
- يا نهار ابيض .. دة احنا زارنا النبي يا باشا .. هو الدكتور بيعمل عملية دلوقتي .. تعال يا باشا اتفضل ندخل له سوا
- عملية .. ؟ و ندخل له ؟؟ هنا ؟؟
- ايوة يا باشا ,, اتفضل اتفضل
- عملية .. ؟ و ندخل له ؟؟ هنا ؟؟
- ايوة يا باشا ,, اتفضل اتفضل
بيني و بينكو انا قلقت .. عمليه ايه اللي بيعملها الراجل دة في وسط العيادة بالشكل دة .. الواحد بيشوف العجب في دنيته . المهم مشيت ورا عم هلال بالظبط زي ما يكون توكتوك ماشي ورا عربية نقل كبيرة لا شايف يمين ولا شمال و لا قدام لغاية ما دخلني اوضة متطرفه كدة في اخر الشقة
و الباب اتفتح و لقيت العجب العجاب
اربع شخصيات
الاولى : الدكتور زغلول قاعد على كرسي معدن و لابس بالطو ابيض على قميص و بنطلون و شبشب ابيض طبي .. هو واضح ان دة اليونيفورم بتاع العيادة لانه مطقم هو و التمرجي بتاعه و ادامه تروللي نايمة عليه الشخصية التانية اللي هي طفلة في حدود ال 10 سنين و تحت تأثير البنج و دماغها عند ايدين الدكتور زغلول و فاتحة بقها و الدكتور بيشيل لها اللوز و عند رجلها واقفة الشخصية التالتة اللي هي غالبنا امها ,, ست كبيرة في السن وبتعيط , الشخصية الرابعة واحد قاعد على جنب مالوش دعوة بحاجة و بيقرأ في الجرنال .. دة يا جماعة دكتور التخدير
انا شفت المنظر دة و ما بقتش عارف اتكلم
ايه دة ؟
و الباب اتفتح و لقيت العجب العجاب
اربع شخصيات
الاولى : الدكتور زغلول قاعد على كرسي معدن و لابس بالطو ابيض على قميص و بنطلون و شبشب ابيض طبي .. هو واضح ان دة اليونيفورم بتاع العيادة لانه مطقم هو و التمرجي بتاعه و ادامه تروللي نايمة عليه الشخصية التانية اللي هي طفلة في حدود ال 10 سنين و تحت تأثير البنج و دماغها عند ايدين الدكتور زغلول و فاتحة بقها و الدكتور بيشيل لها اللوز و عند رجلها واقفة الشخصية التالتة اللي هي غالبنا امها ,, ست كبيرة في السن وبتعيط , الشخصية الرابعة واحد قاعد على جنب مالوش دعوة بحاجة و بيقرأ في الجرنال .. دة يا جماعة دكتور التخدير
انا شفت المنظر دة و ما بقتش عارف اتكلم
ايه دة ؟
معقول . هي دي اوضة العمليات
اي حد يدخل كدة و لا فيه تعقيم و لا حاجة
عم هلال : الدكتور باسم عاوزك يا دكتور زغلول
انا : هاشم يا حاج
د زغلول : اهلا دكتور هاشم اتفضل اتفضل
انا : اتفضل فين . هنا ؟
د زغلول : ايوة ايوة شد كرسي و اقعد
يا نهاااار ...ايه اللي بيحصل دة ؟ انا في حلم ولا علم ؟
ليه كدة ؟
اي حد يدخل كدة و لا فيه تعقيم و لا حاجة
عم هلال : الدكتور باسم عاوزك يا دكتور زغلول
انا : هاشم يا حاج
د زغلول : اهلا دكتور هاشم اتفضل اتفضل
انا : اتفضل فين . هنا ؟
د زغلول : ايوة ايوة شد كرسي و اقعد
يا نهاااار ...ايه اللي بيحصل دة ؟ انا في حلم ولا علم ؟
ليه كدة ؟
الحوار اللي دار بيني و بين دكتور زغول كان على مستوى عالي اوي من الـ .....
ان شاء الله هقوللكو عليه في الحلقة الجاية بقا
دمتم بخير
سلامو عليكو
دمتم بخير
سلامو عليكو
ليست هناك تعليقات:
إرسال تعليق