يوميات صيدلي في الأرياف
الحلقة الخامسة
مواقف و طرائف
مواقف و طرائف
امبارح كان يوم غريب مليان حاجات مقابلتي مع الدكتور زغلول و كمان اللي حصل للدكتور حفناوي
على فكرة الدكتور حفناوي الحمد لله بخير بس هو دلوقتي في عنبر الرجال في قسم العظام في المستشفى العام
كان ماشي بسرعة بالعربية بتاعته و كان رايح لسيد الناس بس ما كانش شايف الترعة و هو ماشي بالعربية
بس الحمد لله واحد ابن حلال قلع هدومه و نزل جابه من الترعة و كان مغمى عليه لغاية الاسعاف ما جت فوقته و شالته على المستشفى و عربيته برضه اهل البلد طلعوها بس جابوا جرار زراعي علشان يشدوها من تحت .. الحمد لله كل حاجة فيها سليمة بس لوحدها
ياللا معلش يا د حفناوي
ربنا يقومك بالسلامة
النهاردة عاوز احكيلكو على المواقف اللي قابلتها مع المرضى في شغلي هنا لغاية دلوقتي
مواقف و طرائف
مريض جه قاللي ..
- يا دكتور انا عاوز كريم لرجلي ...أصلها مبربأة أوي
- نعم ؟ يعني ايه رجليك مبربأة يا حاج ؟
- رجلي مبربأة يا دكتور .. الله انت مش دكتور و لا ايه ؟
انا رجعت بالذاكرة لورا كدة شوية علشان افتكر كلمة مبربأة دي اخدناها في انهي سنة في الصيدلة و لا في مادة ايه بس للاسف الذاكرة مش جايبة خالص الكلمة دي , طب بالذمة حد فيكو سمع كلمة مبربأة دي قبل كدة ؟ انا والله اتخضيت انا افتكرت ان رجله فيها حرق و لا حاجة
فقلت له طيب ممكن اشوف هي مبربأة ازاي ؟
هههههههههه طلع ان عنده تسلخات عادية جدا و واضح ان كلمة مبربأة دي هي التلخيص التعبيري للاحمرار و الهرش اللي في الرجلين
و لا البنت الصغيورة الصغنطوطة الكميلة اللي جاية تقوللي
- عمو امي بتقوللك هات حقنة من اللي لونها أحمر و بالباقي ريحة اكياس
طب ريحة اكياس دة انا عارفها طب و الحقنة اللي لونها أحمر دي تبقا ايه ؟
- ياللا يا شاطرة هاتي اسم الدوا من ماما
فييييييييين لما جت معاها علبة فيتامين ب12
مش بقوللكو بلد العجايب
المرة دي بقا واحدة ست كبيرة جايه تقوللي انا عاوزة الدوا دة يا دكتور و جابت لي الروشتة و صرفت لها العلاج
قالت لي
- لا انا عاوزة اللي يكفيني , أصل انا الدكتور قاللي علاج 3 ايام و دول خمس بلابيع انا عاوزة تلاتة بس
نعم يا اختي تلاتة بس ؟
- بس احنا يا حاجة ما بنقصش الشريط
مش كفاية اننا بنيبيع بالشريط اصلا
- ما انا يا دكتور مش هعمل بالباقي حاجة , الدكتور قاللي 3 ايام و بس
ادي يا جماعة عينة تانية و لا ما انا عارف تالتة
طب الواحد يعمل ايه بس ؟
لا و كله كوم و اللي حصل من الراجل الكبير اللي دخل لي الصيدلية النهاردة و بيقول لي
- يا دكتور البشر مش كويس
- اة طبعا بس مش كلهم يا حاج
- ازاي يعني
- يعني اكيد فيه بشر كويسين ولا كلهم وحشينن يعني ؟
- لا يا دكتور انت ليه مش فاهمني
وطي عليا كدة و قال لي بصوت واطي
- البشر يا دكتور مش عاجبني
لا يا شيخ فرقت يعني . ؟ ما عرفتكش انا كدة .. ما هي هي نفس الحكاية
- ليه بس يا حاج انت ليه متشائم كدة
الراجل بص لي بزهق كدة و قال لي
- انا عاوز البورشامة الزرقا يا دكتور
ااااااااااة طب و انا هعرف منين
اما الفاظ غريبة صحيح
موقف تاني جت لي فيه واحدة ست الصيدلية معاها ابنها الصغير و بتقوللي
- يا دكتور عاوزين نديله تيتانوس
- ليه يا حاجة ؟ ايه اللي حصل ؟
- اصل دخل في رجله مسمار
بصيت على رجله لقيت حرق
- يا حاجة دة مكان حرق مش مسمار مالوش تيتانوس دة
- لا يا دكتور ما هو اصل ابوه لما المسمار دخل في رجله طلع له المسمار من رجله و كواه بالسيجارة على ما نيجي الصيدلية
آآآة ,, ياختااااااي
اعمل ايه مع العيلة دي ؟
دي يا جماعة عينة من المواقف اللي لا يمكن صيدلي يقابلها الا في الارياف
ياللا اما نشوف الصيدلية دي هتاخدني لغاية فين
على بركة الله
اشوفكو في الحلقة الجاية
دمتم بخير
سلامو عليكو
كان ماشي بسرعة بالعربية بتاعته و كان رايح لسيد الناس بس ما كانش شايف الترعة و هو ماشي بالعربية
بس الحمد لله واحد ابن حلال قلع هدومه و نزل جابه من الترعة و كان مغمى عليه لغاية الاسعاف ما جت فوقته و شالته على المستشفى و عربيته برضه اهل البلد طلعوها بس جابوا جرار زراعي علشان يشدوها من تحت .. الحمد لله كل حاجة فيها سليمة بس لوحدها
ياللا معلش يا د حفناوي
ربنا يقومك بالسلامة
النهاردة عاوز احكيلكو على المواقف اللي قابلتها مع المرضى في شغلي هنا لغاية دلوقتي
مواقف و طرائف
مريض جه قاللي ..
- يا دكتور انا عاوز كريم لرجلي ...أصلها مبربأة أوي
- نعم ؟ يعني ايه رجليك مبربأة يا حاج ؟
- رجلي مبربأة يا دكتور .. الله انت مش دكتور و لا ايه ؟
انا رجعت بالذاكرة لورا كدة شوية علشان افتكر كلمة مبربأة دي اخدناها في انهي سنة في الصيدلة و لا في مادة ايه بس للاسف الذاكرة مش جايبة خالص الكلمة دي , طب بالذمة حد فيكو سمع كلمة مبربأة دي قبل كدة ؟ انا والله اتخضيت انا افتكرت ان رجله فيها حرق و لا حاجة
فقلت له طيب ممكن اشوف هي مبربأة ازاي ؟
هههههههههه طلع ان عنده تسلخات عادية جدا و واضح ان كلمة مبربأة دي هي التلخيص التعبيري للاحمرار و الهرش اللي في الرجلين
و لا البنت الصغيورة الصغنطوطة الكميلة اللي جاية تقوللي
- عمو امي بتقوللك هات حقنة من اللي لونها أحمر و بالباقي ريحة اكياس
طب ريحة اكياس دة انا عارفها طب و الحقنة اللي لونها أحمر دي تبقا ايه ؟
- ياللا يا شاطرة هاتي اسم الدوا من ماما
فييييييييين لما جت معاها علبة فيتامين ب12
مش بقوللكو بلد العجايب
المرة دي بقا واحدة ست كبيرة جايه تقوللي انا عاوزة الدوا دة يا دكتور و جابت لي الروشتة و صرفت لها العلاج
قالت لي
- لا انا عاوزة اللي يكفيني , أصل انا الدكتور قاللي علاج 3 ايام و دول خمس بلابيع انا عاوزة تلاتة بس
نعم يا اختي تلاتة بس ؟
- بس احنا يا حاجة ما بنقصش الشريط
مش كفاية اننا بنيبيع بالشريط اصلا
- ما انا يا دكتور مش هعمل بالباقي حاجة , الدكتور قاللي 3 ايام و بس
ادي يا جماعة عينة تانية و لا ما انا عارف تالتة
طب الواحد يعمل ايه بس ؟
لا و كله كوم و اللي حصل من الراجل الكبير اللي دخل لي الصيدلية النهاردة و بيقول لي
- يا دكتور البشر مش كويس
- اة طبعا بس مش كلهم يا حاج
- ازاي يعني
- يعني اكيد فيه بشر كويسين ولا كلهم وحشينن يعني ؟
- لا يا دكتور انت ليه مش فاهمني
وطي عليا كدة و قال لي بصوت واطي
- البشر يا دكتور مش عاجبني
لا يا شيخ فرقت يعني . ؟ ما عرفتكش انا كدة .. ما هي هي نفس الحكاية
- ليه بس يا حاج انت ليه متشائم كدة
الراجل بص لي بزهق كدة و قال لي
- انا عاوز البورشامة الزرقا يا دكتور
ااااااااااة طب و انا هعرف منين
اما الفاظ غريبة صحيح
موقف تاني جت لي فيه واحدة ست الصيدلية معاها ابنها الصغير و بتقوللي
- يا دكتور عاوزين نديله تيتانوس
- ليه يا حاجة ؟ ايه اللي حصل ؟
- اصل دخل في رجله مسمار
بصيت على رجله لقيت حرق
- يا حاجة دة مكان حرق مش مسمار مالوش تيتانوس دة
- لا يا دكتور ما هو اصل ابوه لما المسمار دخل في رجله طلع له المسمار من رجله و كواه بالسيجارة على ما نيجي الصيدلية
آآآة ,, ياختااااااي
اعمل ايه مع العيلة دي ؟
دي يا جماعة عينة من المواقف اللي لا يمكن صيدلي يقابلها الا في الارياف
ياللا اما نشوف الصيدلية دي هتاخدني لغاية فين
على بركة الله
اشوفكو في الحلقة الجاية
دمتم بخير
سلامو عليكو
ليست هناك تعليقات:
إرسال تعليق