يوميات صيدلي في الأرياف
الحلقة 4
يا نهار اثوخ
عاملين إية ؟
في حلقة النهاردة لازم أحكيلكو على اللي حصل في الساعة الظريفة اللي جمعتني مع عم خليل خال سليمان و الدكتور حفناوي ابن عمه لزم .
في حلقة النهاردة لازم أحكيلكو على اللي حصل في الساعة الظريفة اللي جمعتني مع عم خليل خال سليمان و الدكتور حفناوي ابن عمه لزم .
في الأول لما اتصلت بالحاج خليل لقيته بيقول إنه جاي مع الدكتور حفناوي الليلة دي يسهروا معايا في الصيدلية شوية ,
أنا طبعا رحت باعت سليمان يشتري شاي وبن وحاجة ساقعه كمان ... أنا كدة قدمت السبت و الحد .. لما أشوف بقا
.. بس خليكو شاهدين .
حوالي الساعة 10 بالليل لقيت الحاج خليل داخل عليا في الصيدلية و معاه الدكتور حفناوي ..
إنتو عارفين المربع ؟ اللي هو طوله زي عرضه دة .. بالظبط كدة الدكتور حفناوي نفس الهيئة بس مربع لابس بدلة و فوق المربع دة فيه كورة كبيرة .. اللي هي دماغه , و مفيش في الكورة دي كلها شعر غير هو بس شعر حواجبه . و الدكتور حفناوي قصير شوية و سمين شويتين
منظر الدكتور دة يا جماعة يخللي العيان أول ما يعرف إن الدكتور حفناوي هو اللي هيكشف عليه هيخف على طول و هيقوم يجري زي الحصان لغاية ما يوصل بيتهم .. لا بيتهم إيه .. دة هيجري لغاية ما يوصل كندا ان شاء الله .
أنا : أهلا أهلا يا حاج خليل .. الدنيا نورت و الله
خليل : أهلا يا مراحب يا مراحب إزيك يا ضاكتور هاشم ؟
حفناوي : الثلام عليكم
لا كدة حرام بقا ... كمان ؟؟ ..ألدغ يا حفناوي ؟
أنا : و عليكم السلام ورحمة الله و بركاته ... دكتور حفناوي ؟
خليل : أهو يا سيدي أنا جيتلك أهو أنا و ابن عمي الضاكتور حفناوي نشرب معاك الشاي هنا في الاجزاخانه
أنا : دة انتو نورتوني و الله يا حاج .. منور يا دحفناوي
حفناوي : دة نورك يا دكتور هاشم
انا : اتفضلو يا جماعة اقعدوا .. دي فرصة سعيدة أوي
قعدوا قدام المكتب بتاعي في آخر الصيدلية من جوة و أنا ورا المكتب و بدأ النقاش
حفناوي : جميله الثيدلية يا د هاشم ...مبروكة ان شاء الله
أنا : الله يبارك فيك يا دكتور حفناوي .شاي بقا و لا حاجة ساقعة ؟
حفناوي : أنا بشرب ينثون
آآآآة ح اتشل يا ناس ... يعني انت مالقيتش غير الينسون ؟
انتو متعرفوش انا شكلي ايه دلوقتي .. انا عمال اضحك من جوة .. يا رب عدي الليلة دي على خير
انا : و انت يا عم خليل ؟
خليل : ينسون برضك و لو يعني هنتعبك يبقا بلاش خالص يا ضاكتور
انا : لا يا عم خليل مفيش تعب و لا حاجة
كويس اننا في صيدلية .. كنت ح اجيب له ينسون منين دة .؟
المهم فتحت علبة ينثون .. قصدي ينسون .. أكياس و شغلت الغلاية و عملت الينسون و كل دة و سليمان مجاش ,,
أشوف فيك يوم يا سليمان
انا : اتفضلوا يا جماعة
خليل : تسلم الايادي يا ضاكتور
حفناوي بزمجرة : تؤ .. .ما بلاش تثلم الايادي دي بقا يا خليل
خليل : لا مؤاخذة يا ضاكتور .. مخدتش بالي و الله
أنا : إيه بس المشكلة ؟
حفناوي : يا نهار اثوخ ... انت بتثأل ايه المشكلة ؟ مش هي دي الأيادي اللي قتلت ولادي و لا إيه ؟
أنا مش قادر يا اخواننا .. مش قادر .. أنا سمعت كلمة " يا نهار اثوخ " دي و عاوز اضحك و مش عارف و عاوز أرد عليه و مش عارف و حاسس إن أنا لوفتحت بقي ح انفجر من الضحك
المهم جمعت نفسي من تاني و كتمت الضحك الكتير اللي كان هيملا المكان و يغرقنا جوة الصيدلية دة
أنا : يا دكتور حفناوي .. هو يعني إحنا هنلغي من حياتنا الكلمة دي علشان اغنية يعني و الكلام دة ؟
حفناوي : آة يا ثيدي نلغيها .. , إيه يعني ؟ مش مهم ... بناقث الجملة دي خالث
الجو اتكهرب يا جماعة .. اعمل في الموقف دة ايه ؟
حفناوي : دكتور هاشم .. بقولك ايه ؟؟ انت انتماءاتك ايه ؟
أنا طبعا رحت باعت سليمان يشتري شاي وبن وحاجة ساقعه كمان ... أنا كدة قدمت السبت و الحد .. لما أشوف بقا
.. بس خليكو شاهدين .
حوالي الساعة 10 بالليل لقيت الحاج خليل داخل عليا في الصيدلية و معاه الدكتور حفناوي ..
إنتو عارفين المربع ؟ اللي هو طوله زي عرضه دة .. بالظبط كدة الدكتور حفناوي نفس الهيئة بس مربع لابس بدلة و فوق المربع دة فيه كورة كبيرة .. اللي هي دماغه , و مفيش في الكورة دي كلها شعر غير هو بس شعر حواجبه . و الدكتور حفناوي قصير شوية و سمين شويتين
منظر الدكتور دة يا جماعة يخللي العيان أول ما يعرف إن الدكتور حفناوي هو اللي هيكشف عليه هيخف على طول و هيقوم يجري زي الحصان لغاية ما يوصل بيتهم .. لا بيتهم إيه .. دة هيجري لغاية ما يوصل كندا ان شاء الله .
أنا : أهلا أهلا يا حاج خليل .. الدنيا نورت و الله
خليل : أهلا يا مراحب يا مراحب إزيك يا ضاكتور هاشم ؟
حفناوي : الثلام عليكم
لا كدة حرام بقا ... كمان ؟؟ ..ألدغ يا حفناوي ؟
أنا : و عليكم السلام ورحمة الله و بركاته ... دكتور حفناوي ؟
خليل : أهو يا سيدي أنا جيتلك أهو أنا و ابن عمي الضاكتور حفناوي نشرب معاك الشاي هنا في الاجزاخانه
أنا : دة انتو نورتوني و الله يا حاج .. منور يا دحفناوي
حفناوي : دة نورك يا دكتور هاشم
انا : اتفضلو يا جماعة اقعدوا .. دي فرصة سعيدة أوي
قعدوا قدام المكتب بتاعي في آخر الصيدلية من جوة و أنا ورا المكتب و بدأ النقاش
حفناوي : جميله الثيدلية يا د هاشم ...مبروكة ان شاء الله
أنا : الله يبارك فيك يا دكتور حفناوي .شاي بقا و لا حاجة ساقعة ؟
حفناوي : أنا بشرب ينثون
آآآآة ح اتشل يا ناس ... يعني انت مالقيتش غير الينسون ؟
انتو متعرفوش انا شكلي ايه دلوقتي .. انا عمال اضحك من جوة .. يا رب عدي الليلة دي على خير
انا : و انت يا عم خليل ؟
خليل : ينسون برضك و لو يعني هنتعبك يبقا بلاش خالص يا ضاكتور
انا : لا يا عم خليل مفيش تعب و لا حاجة
كويس اننا في صيدلية .. كنت ح اجيب له ينسون منين دة .؟
المهم فتحت علبة ينثون .. قصدي ينسون .. أكياس و شغلت الغلاية و عملت الينسون و كل دة و سليمان مجاش ,,
أشوف فيك يوم يا سليمان
انا : اتفضلوا يا جماعة
خليل : تسلم الايادي يا ضاكتور
حفناوي بزمجرة : تؤ .. .ما بلاش تثلم الايادي دي بقا يا خليل
خليل : لا مؤاخذة يا ضاكتور .. مخدتش بالي و الله
أنا : إيه بس المشكلة ؟
حفناوي : يا نهار اثوخ ... انت بتثأل ايه المشكلة ؟ مش هي دي الأيادي اللي قتلت ولادي و لا إيه ؟
أنا مش قادر يا اخواننا .. مش قادر .. أنا سمعت كلمة " يا نهار اثوخ " دي و عاوز اضحك و مش عارف و عاوز أرد عليه و مش عارف و حاسس إن أنا لوفتحت بقي ح انفجر من الضحك
المهم جمعت نفسي من تاني و كتمت الضحك الكتير اللي كان هيملا المكان و يغرقنا جوة الصيدلية دة
أنا : يا دكتور حفناوي .. هو يعني إحنا هنلغي من حياتنا الكلمة دي علشان اغنية يعني و الكلام دة ؟
حفناوي : آة يا ثيدي نلغيها .. , إيه يعني ؟ مش مهم ... بناقث الجملة دي خالث
الجو اتكهرب يا جماعة .. اعمل في الموقف دة ايه ؟
حفناوي : دكتور هاشم .. بقولك ايه ؟؟ انت انتماءاتك ايه ؟
انا : انتماءاتي .؟؟؟ انا مصري يا دكتور ؟
حفناوي : ما كلنا مثريين .. انا قثدي انت عاجبك اللي بيحثل في البلد دة و الانقلاب العثكري ؟
آآآآه ... كدة بقا حفناوي هيدخلني في حارة سد .
أنا : شوف يا دكتور حفناوي .. أنا مبحبش الكلام في السياسة كل واحد ليه رأي و خلاص و لا أنا ح احجر على رأيك و لا إنت ح تحجر على رأي حد .
حفناوي بصوت عالي : مين قال كدة ؟ .. أنا ممكن احجر على رأيك طالما رأيك دة هيودينا في ثتين داهية
خليل : استهدي بالله يا دكتور حفناوي .. انت بس زعلته ليه يا د هاشم ؟
أنا : نعم ؟ انا اللي زعلته ؟ مش إنت اللي قلت تسلم الايادي ؟
حفناوي : يا نهار اثوخ ... برضو هيقوللي تاني تثلم الايادي ؟
أنا : يا دكتور حفناوي يعني أعمل إيه بس ؟ ..بص بلاش خالص الكلمة دي خلينا نتكلم في موضوع تاني
حفناوي : آة ماشي ... أحثن .
في نفس لحظة الصمت دي يا جماعة ظهرت المذيعة في التليفزيون و أعلنت خبر حبس محمد مرسي 20 سنة
ما أقولكوش بقا على اللي حصل لحفناوي ,, شكله اتغير .. وشه احمر .. اتنفخ .. ودانه احمرت جدا شفايفه ازرقت جدا .. عينيه برقت جامد جدا جدا ,, الراجل دة أكيد هيتحول دلوقتي
حفناوي بصوت عالي جدا : حرام عليكو .. حرام عليكو .. انتو عاوزين مننا ايييه ..؟ نهاجر و نثيبهالكو و لا نعمل ايييه ؟
أنا : اهدا يا دكتور حفناوي .. إن شاء الله اكيد المحامين مش هيسكتوا
حفناوي و هو بيخبط بايديه الاتنين على دماغه : محدش يقوللي اهدا .. أنا جايلك .. جايلك يا عم مورثي ....جايلك يا ثيد الناث
حفناوي قال الجملة اللي فاتت دي و طلع جري من الصيدلية على برة
انا : الحقه يا عم خليل لا يعمل في نفسه حاجة
خليل طلع جري وراه علشان يهديه في نفس اللحظة اللي دخل فيها سليمان معاه الشاي و البن و الحاجة الساقعة
سلميان , و هو مفزوع : فيه إيه يا دكتور هاشم ؟ هي الناس بتجري كدة ليه ؟
أنا : إنت جيت يا سليمان .؟ ما لسه بدري .... اقفل يا ابني الصيدلية كفاية كدة النهاردة
شفتوا بقا أنا حظي عامل إزاي . ؟
حفناوي : ما كلنا مثريين .. انا قثدي انت عاجبك اللي بيحثل في البلد دة و الانقلاب العثكري ؟
آآآآه ... كدة بقا حفناوي هيدخلني في حارة سد .
أنا : شوف يا دكتور حفناوي .. أنا مبحبش الكلام في السياسة كل واحد ليه رأي و خلاص و لا أنا ح احجر على رأيك و لا إنت ح تحجر على رأي حد .
حفناوي بصوت عالي : مين قال كدة ؟ .. أنا ممكن احجر على رأيك طالما رأيك دة هيودينا في ثتين داهية
خليل : استهدي بالله يا دكتور حفناوي .. انت بس زعلته ليه يا د هاشم ؟
أنا : نعم ؟ انا اللي زعلته ؟ مش إنت اللي قلت تسلم الايادي ؟
حفناوي : يا نهار اثوخ ... برضو هيقوللي تاني تثلم الايادي ؟
أنا : يا دكتور حفناوي يعني أعمل إيه بس ؟ ..بص بلاش خالص الكلمة دي خلينا نتكلم في موضوع تاني
حفناوي : آة ماشي ... أحثن .
في نفس لحظة الصمت دي يا جماعة ظهرت المذيعة في التليفزيون و أعلنت خبر حبس محمد مرسي 20 سنة
ما أقولكوش بقا على اللي حصل لحفناوي ,, شكله اتغير .. وشه احمر .. اتنفخ .. ودانه احمرت جدا شفايفه ازرقت جدا .. عينيه برقت جامد جدا جدا ,, الراجل دة أكيد هيتحول دلوقتي
حفناوي بصوت عالي جدا : حرام عليكو .. حرام عليكو .. انتو عاوزين مننا ايييه ..؟ نهاجر و نثيبهالكو و لا نعمل ايييه ؟
أنا : اهدا يا دكتور حفناوي .. إن شاء الله اكيد المحامين مش هيسكتوا
حفناوي و هو بيخبط بايديه الاتنين على دماغه : محدش يقوللي اهدا .. أنا جايلك .. جايلك يا عم مورثي ....جايلك يا ثيد الناث
حفناوي قال الجملة اللي فاتت دي و طلع جري من الصيدلية على برة
انا : الحقه يا عم خليل لا يعمل في نفسه حاجة
خليل طلع جري وراه علشان يهديه في نفس اللحظة اللي دخل فيها سليمان معاه الشاي و البن و الحاجة الساقعة
سلميان , و هو مفزوع : فيه إيه يا دكتور هاشم ؟ هي الناس بتجري كدة ليه ؟
أنا : إنت جيت يا سليمان .؟ ما لسه بدري .... اقفل يا ابني الصيدلية كفاية كدة النهاردة
شفتوا بقا أنا حظي عامل إزاي . ؟
بس ان شاء الله مسيرها تتعدل
بس يا نهار اثوخ لو ما اتعدلتش ..
يا نهار اثوخ .... ح اعمل ايه ساعتها ؟
استر يارب
ياللا .. اشوفكو بقا في الحلقة الجاية
دمتم بخير
سلامو عليكو
بس يا نهار اثوخ لو ما اتعدلتش ..
يا نهار اثوخ .... ح اعمل ايه ساعتها ؟
استر يارب
ياللا .. اشوفكو بقا في الحلقة الجاية
دمتم بخير
سلامو عليكو
ليست هناك تعليقات:
إرسال تعليق